உள்ளூர் செய்திகள்

/ சினிமா / செய்திகள் / ஒரே நேரத்தில் ஐந்து மொழிகளில் வெளியாகும் மாநாடு டீசர்

ஒரே நேரத்தில் ஐந்து மொழிகளில் வெளியாகும் மாநாடு டீசர்

ஈஸ்வரன் படத்தை தொடர்ந்து சிலம்பரசன் நடித்து வரும் படம் மாநாடு.. சுரேஷ் காமாட்சியின் வி ஹவுஸ் நிறுவனம் தயாரித்து வரும் இந்தப்படத்தை வெங்கட்பிரபு இயக்கி வருகிறார். அரசியல் பின்னணியில் உருவாகி வரும் இந்தப்படத்தில் அப்துல் காலிக் என்கிற இஸ்லாமிய இளைஞன் கதாபாத்திரத்தில் சிலம்பரசன் நடித்து வருகிறார். சில நாட்களுக்கு முன்பு, இந்தப்படத்தில் வித்தியாச தோற்றங்களில் சிலம்பரசனின் கதாபாத்திர போஸ்டர்கள் வெளியாகி ரசிகர்களிடம் வியப்பை ஏற்படுத்தின.

இந்தநிலையில் இந்தப்படத்தின் டீசர் இன்று (பிப்-3) வெளியாக இருக்கிறது. அதிலும் குறிப்பாக தென்னிந்திய மொழிகள் மற்றும் இந்தி உட்பட ஐந்து மொழிகளில் பிற்பகல் 2.34 மணியளவில் ஒரே நேரத்தில் வெளியிடப்பட இருக்கிறது. தமிழில் ஏ.ஆர்.ரஹ்மான், இந்தியில் அனுராக் காஷ்யப், மலையாளத்தில் பிரித்விராஜ், தெலுங்கில் ரவிதேஜா மற்றும் கன்னடத்தில் கிச்சா சுதீப் ஆகியோர் இந்த டீசரை வெளியிடுகின்றனர்.


தினமலர் சேனல்களுக்கு SUBSCRIBE செய்யுங்கள் !