அமிதாப் - ராஷ்மிகா பட தலைப்பு மாற்றம்

தெலுங்கில் முன்னணி நடிகையாக உள்ள ராஷ்மிகா மந்தனா தமிழில் கார்த்தியுடன் சுல்தான் படத்தில் நடித்துள்ளார். அடுத்து முன்னணி நடிகர்களின் பட வாய்ப்பு வந்து கொண்டிருந்த சமயத்தில் ஹிந்தியில் பட வாய்ப்பு வர அங்கு நடித்து வருகிறார். பாலிவுட்டில் சித்தார்த் மல்கோத்ராவுடன் இணைந்து மிஷன் மஜ்னு என்ற படத்தில் நடித்து வருகிறார். இப்படத்தின் படப்பிடிப்பு லக்னோவில் நடைபெற்று வருகிறது. இதைத் தொடர்ந்து அமிதாப்பச்சனுடன் ஒரு படத்தில் நடிக்க உள்ளார். இப்படத்திற்கு டெட்லி என்று டைட்டில் வைத்திருந்த நிலையில் தற்போது குட்பாய் என்று மாற்றியுள்ளனர். ஓய்வு பெற்ற ராணுவ அதிகாரியாக அமிதாப்பச்சன் நடிக்கும் இப்படத்தின் படப்பிடிப்பு, மும்பையில் போடப்பட்டுள்ள பிரமாண்ட செட்டில் மார்ச் 29ல் முதல் தொடங்குகிறது. விகாஷ் பஹல் இயக்குகிறார்.