மெல்போர்ன் இந்திய திரைப்பட விழாவில் எஸ்பிபிக்கு அஞ்சலி

மெல்போர்ன் இந்திய திரைப்பட விழா, ஆஸ்திரேலியாவில் நடைபெறும் ஒரு பெரிய திரைப்பட விழா. இந்த ஆண்டு விழா, இன்று ஆரம்பமாகி ஆகஸ்ட் 20ம் தேதி வரை நடைபெறுகிறது. ஆகஸ்ட் 15ம் தேதி நடைபெற உள்ள விழாவில் மறைந்த பின்னணிப் பாடகர் எஸ்பி பாலசுப்ரமணியத்திற்கு அஞ்சலி நிகழ்வு ஒன்று நடைபெற உள்ளது.

மெல்போர்னைச் சேர்ந்த இசைக் கலைஞர்களனான அனுப் திவாகரன், லட்சுமி ராமசாமி, சவுசிக் கணேஷ், மாளவிகா ஹரிஷ் அடங்கிய 'மியூசிக்கடா' என்ற இசைக் குழுவினர் எஸ்பிபியின் பாடல்களைப் பாடி அஞ்சலி செலுத்த உள்ளார்கள். இத்திரைப்பட விழாவில் சூர்யா நடித்துள்ள 'சூரரைப் போற்று', பா ரஞ்சித் தயாரித்து தமிழ் இயக்கியுள்ள 'சேத்துமான்', அருண் கார்த்திக் இயக்கிய 'நசிர்' ஆகிய படங்கள் தியேட்டர்களில் திரையிடப்படுகின்றன.

“கன்யா, கயமை கடக்க, மை மிர்ரர், ரெட்டை ஜடை, தி லாயல் மேன்,” ஆகிய குறும் படங்கள் ஆன்லைன் மூலமும், 'வோம்ப்” குறும்படம் தியேட்டரிலும் திரையிடப்படுகிறது.