பிரசாதம் இது பிரமாதம்

கந்தர் அப்பம்

தேவையானவை:
பச்சரிசி–250 கிராம்,
உளுந்து–50 கிராம்,
துவரம் பருப்பு–50 கிராம்,
வெந்தயம் –  சிறிதளவு,
தேங்காய்–1/2  முடி,
வெல்லம்–1/4 கிலோ,
ஏலக்காய் பொடி–சிறிது,
உப்பு – தேவையான அளவு

எண்ணெய் –  தேவையான அளவு

செய்முறை:  அரிசி மற்றும் பருப்பை நன்கு கழுவி வெந்தயம் சேர்த்து 2 மணி நேரம் வரை ஊற வைக்கவும். பின்பு நீரை வடித்துவிட்டு மிருதுவாக அரைக்கவும், ஏலக்காய், தேங்காய், வெல்லப்பொடி சேர்த்து 2 நிமிடம் அரைத்தெடுக்கவும். அரைத்த மாவை 1 வாரம் வரை பிரிட்ஜில் வைத்து பயன்படுத்தலாம். கடாயில் எண்ணெய் காய வைக்கவும். காய்ந்த பின் ஒரு கரண்டி அளவு மாவை எடுத்து எண்ணெயில் மெதுவாக ஊற்றவும்.  வெந்த பின், திருப்பி விட்டு அரை நிமிடத்தில் எடுக்கவும். சூடான சுவையான கந்தரப்பம் தயார்.