தேவியின் கோபம்!

கன்னிப் பெண்ணால் தனக்கு மரணம் என்பதே பாணாசுரனின் வரம். அதற்காகவே வெளிப்பட்ட அம்பிகை சுசீந்தரம் தாணுமாலயப் பெருமானை மணக்கும் சூழல் வாய்ந்தது. அது நடந்தால், அசுரனை மாய்க்க முடியாதே என்று கலகம் செய்தார் நாரதர். அதன்படியே திருமணம் நின்றது. அசுரவதம் நிகழ்ந்தது. இத்திருமணத்திற்காக ஏராளமான உணவு வகை தயாரிக்கப்பட்டது. திருமணம் நின்று போனதால் கோபம் கொண்ட தேவி, அவற்றை மலையாக மாற்றினாள். இதன் சான்றாக இன்றும் கன்னியாகுமரி கடற்கரையில் முழு அரிசி, நொறுங்கிய அரிசி, தவிடு போன்ற வடிவில் சிறு மணலும், பலவண்ண மணலும் மிகுந்து கிடப்பதைக் காணலாம்.