மேஷம்: (அசுவினி, பரணி, கார்த்திகை 1 பாதம்) சொத்து யோகம்!

திட்டமிட்டு பணிபுரியும் மேஷ ராசி அன்பர்களே!

புதனால் கிடைத்த நற்பலன் மாத பிற்பகுதியில் சற்று குறையலாம். டிச. 1 வரை முயற்சியில் வெற்றி கிடைக்கும். ஆடை, அணிகலன் வாங்குவீர்கள். பிள்ளைகளால் பெருமை உண்டாகும். அதன் பிறகு சிலர் பொல்லாப்பை சந்திக்கலாம். விட்டுக் கொடுத்து போகவும். குரு, ராகு, செவ்வாயும் மாதம் முழுவதும் சாதகமாக இருப்பதால் பொருளாதார வளம் பெருகும். எந்த பிரச்னையையும் எதிர்கொள்ளும் சாமர்த்தியம் உண்டாகும். வீட்டுக்கு தேவையான ஆடம்பர வசதி கிடைக்கும். புதிய சொத்து வாங்க அதிர்ஷ்டம் ஏற்படும்.

தொழில், வியாபாரத்தில் நல்ல வருமானம் காணலாம். அரசு வகையில் சலுகை ஏதும் எதிர்பார்க்க வேண்டாம். வரவு செலவு கணக்கை சரியாக வைத்துக் கொள்ள வேண்டும்.

பணியாளர்கள் நல்ல வளர்ச்சியை காண்பர். போலீஸ், ராணுவத்தில் பணிபுரிபவர்கள் உயர்ந்த நிலை அடைவர். தனியார் துறையில் வேலை பார்ப்பவர்கள் தங்கள் கோரிக்கைகளை டிசம்பர் 1க்குள் கேட்டுப் பெற்று கொள்ளவும். அதன் பிறகு விடாமுயற்சி, உழைப்பு தேவைப்படும்.

கலைஞர்கள் சிரத்தை எடுத்து முன்னேற வேண்டியதிருக்கும். எதிர்பார்த்த புகழ், பாராட்டு கிடைக்காமல் போகலாம். முயற்சிகளில் இருந்த தடையும், மனதில் ஏற்பட்ட சோர்வும் நவ. 30 க்கு பிறகு மறையும்.

அரசியல்வாதிகள் சிறப்பான பலனையே பெறுவர். உங்கள் வாழ்வில் வசதி பெருகும்.

மாணவர்கள் சிறப்பானநிலை காண்பர். போட்டி, பந்தயத்தில் வெற்றி கிடைக்கும்.

ஆசிரியர்கள், ஆன்றோர்களின் ஆதரவு கிடைக்கும்.

விவசாயிகள் நல்ல மகசூலைப் பெறுவர். புதிய சொத்து வாங்கும் எண்ணம் கைகூடும். வழக்கு விவகாரம் திருப்தி தரும்.

பெண்கள் மகிழ்ச்சிகரமாக காணப்படுவர். குடும்ப பிரச்னையில் இருந்து விடுபடுவர். கணவரின் அன்பு கிடைக்கும்.

நல்லநாள்:  நவ.17, 18, 23, 24, 25, 28, 29 டிச.  5, 6, 7, 8, 9, 14, 15, 16

கவன நாள்:  டிசம்பர் 10, 11,  சந்திராஷ்டமம்

அதிர்ஷ்ட எண்: 3,9

நிறம்: சிவப்பு, மஞ்சள்

பரிகாரம்: நாக தேவதையை வணங்குங்கள். மாலையில் வீட்டில் விளக்கு ஏற்றி லட்சுமியை வழிபடுங்கள். வெள்ளிக்கிழமை சுக்கிரனை வழிபடுங்கள்.