பூதகுடி மலையாண்டி கோயில் விழா

நத்தம்: நத்தம் அருகே பூகுடியில் மலையாண்டி கோயில் திருவிழா நடந்தது. பூதகுடி அருகே உள்ள சதுரகிரி மலையில் அமைந்துள்ளது மலையாண்டி கோயில். இங்கு ஒவ்வொரு ஆண்டும் ஆடி மாதத்தில் திருவிழா நடக்கும். கோயிலில் உள்ள ஆயிரத்திற்கும் மேற்பட்ட வேல்களுக்கு அலங்காரம் செய்து சிறப்பு பூஜைகள் நடந்தது.  குழந்தை வரம் உள்ளிட்ட வேண்டுதல்கள் நிறைவேறியர்கள் தங்கள் குழந்தைகளுக்கு மெட்டையடித்து வேல்களை காணிக்கையாக செலுத்தினர். பல பெண்கள் மடிசோறு பெற்று குழந்தை பாக்கியத்திற்காக வேண்டுதல் வைத்தனர். சிறப்பு பூஜைகளையடுத்து அன்னதானம் நடைபெற்றது. நத்தம் சுற்றுவட்டாரம், கொட்டாம்பட்டி, சிங்கம்புணரி உள்ளிட்ட வெளி மாவட்டங்களை சேர்ந்த ஏராளமான பக்தர்கள் கலந்து கொண்டு சுவாமி தரிசனம் செய்தனர். ஏற்பாடுகளை பூதகுடி ஊர் பொதுமக்கள் செய்திருந்தனர்.