உள்ளூர் செய்திகள்

தெரிஞ்சுக்கோங்க!

அதிகமாக சாப்பிட்டவுடன் ஏன் தூக்கம் வருகிறது?ஒரு மனிதனின் உடலில் சுமார் 5 லிட்டர் ரத்தம் உள்ளது. நாம் சுவாசிக்கும் ஆக்ஸிஜனும், நமது உணவி லிருந்து கிடைக்கும் சத்துக்களையும் சுமந்து செல்லும் ரத்தம், உடலின் வெவ்வேறு பாகங்களுக்கும் பாய்ந்து சென்று, அவ்வுறுப்புகளை செயல்பட வைக்கிறது.ரத்தம் உடலின் ஒவ்வொரு பாகத்திற்கும் வெவ்வேறு மாதிரியான அளவில் பாய்ந்து செல்கிறது. சாதாரண நிலையில் இதயத்திலிருந்து வெளியேற்றப் படும் மொத்த ரத்தத்தில் 28 சதவீதம் கல்லீரலுக்கும், 24 சதவீதம் தசைகளுக்கும், 15 சதவீதம் மூளைக்கும், மீதமுள்ள ரத்தம் மற்ற உறுப்புகளுக்கும் பாய்ந்து செல்கிறது.நாம் அதிகமான உணவு உண்டபின், அவ்வுணவைச் செரிக்கச் செய்ய ரத்தமானது அதிக அளவில் வயிற்று பகுதிக்குப் பாய்ந்து செல்கிறது. எனவே, மூளைக்குச் செல்லும் ரத்தத்தின் அளவு குறைகிறது. எனவே, மூளையின் செயல்பாடு குறைந்து, தூக்கம் உண்டாகிறது. அதிக உணவிற்குப் பின் சிறிது ஓய்வு எடுத்துக் கொள்வதற்கான எச்சரிக்கையாகவும் இதை எடுத்துக் கொள்ள முடியும்.


தினமலர் சேனல்களுக்கு SUBSCRIBE செய்யுங்கள் !