ஐஸ்கட்டி!

வெயில் காலத்தில் வெப்பத்தில் இருந்து தப்ப, இயற்கை பொருட்களை காட்டிலும், செயற்கையான ஐஸ் கட்டிகளையும், ஐஸ்கிரீமையும் தான் அதிகம் விரும்புகின்றனர் மக்கள்.ஐஸ் கட்டி பல்வேறு வடிவங்களில் உணவாகிறது. ஐஸ் கட்டியை கண்டிப்பாக சாப்பிட்டே ஆக வேண்டும் என்ற மன நிலையின் பெயர், 'பகோபாகியா' என்பதாகும். உடல் குறைபாட்டின் வெளிப்பாடாக இது தோன்றலாம். இந்த பழக்கம் ஏற்பட, 'பிகா' என்ற உணவு கோளாறும் காரணமாக இருக்கலாம். பிகா என்பது கட்டுப்பாடு இன்றி சாப்பிட துாண்டும் நோயாகும். என்ன வகை உணவு என்ற பாகுபாடெல்லாம் கிடையாது; சத்தே இல்லாத உணவுகளை கூட சாப்பிட இந்த நோய் துாண்டும்.சீரற்ற அளவில் ஐஸ்கட்டி சாப்பிட்டால், பற்களில் மோசமான பாதிப்பு ஏற்படும். பற்கூச்சம் மற்றும் ஈறுகள் சேதமடைய காரணமாக அமையும். பற்களின் ஆரோக்கியத்திற்கு குளிர்ச்சியான பொருட்கள் ஏற்றதல்ல.உடலில் இரும்புசத்து குறைவாக உள்ளதன் அறிகுறி, நாக்கில் ஏற்படும் வீக்கம், தொண்டை கோளாறு ஆகியவையாகும். இரும்புசத்து குறைபாட்டை சரி செய்ய எடுத்து கொள்ளும் மருந்துகளை, ஐஸ்கட்டி பயனற்றதாக மாற்றிவிடும். எனவே, ஐஸ்கட்டி சாப்பிடுவதை மறந்து விடுங்கள்.- ஜோ.ஜெயக்குமார்