பெருமிதம்!

துாத்துக்குடி மாவட்டம், எஸ்.வி. ஆண்கள் உயர்நிலைப் பள்ளியில், 1964ல், 7ம் வகுப்பு படித்த போது நடந்த சம்பவம்... தமிழ் ஆசிரியராக இருந்தார் ஜோசப் சுந்தரம். விடுமுறை நாட்களில், அரசு மருத்துவமனைக்குச் சென்று, உள்நோயாளிகளிடம் நலம் விசாரித்து, நம்பிக்கை ஊட்டும் வகையில் ஆறுதல் கூறி வந்தார்.ஒரு நாள், காய்ச்சலால் மருத்துவமனையில் அனுமதிக்கப்பட்டு இருந்தேன். என் படுக்கை அருகில் வந்து உடல் நலம் விசாரித்து ஆறுதல் கூறினார். நம்பிக்கை பெற்றேன். இரண்டு நாளில் குணம் பெற்று வீடு திரும்பினேன்.இப்போது என் வயது, 68; பள்ளியில் ஆசிரியராகவும், பொது வாழ்வில் சேவகராகவும் பணி ஆற்றியவரிடம் கல்வி பயின்றதை எண்ணி பெருமிதம் கொண்டுள்ளேன். - பி.பெரியநாயகம், திருவள்ளூர்.தொடர்புக்கு: 94441 18615