கிறிஸ்துமஸ் கொண்டாட்டம்!

கனடாவில் தான் கிறிஸ்துமஸ் தாத்தா வசிக்கிறார் என்ற எண்ணத்தில் அந்த நாடு, அவருக்கு குடியுரிமை வழங்கியுள்ளது. ஐரோப்பிய நாடான, நார்வே நாட்டு மக்கள், அங்குள்ள டிரோபோக் நகரிலும், டென்மார்க் நாட்டு மக்கள், அவர் கிரீன்லாந்தில் வசிப்பதாகவும் நம்புகின்றனர் * ஐரோப்பிய நாடுகளில் ஒன்றான, லித்தானியா நாட்டில் கிறிஸ்துமஸை, 'குசியோஸ்' என்கின்றனர். இங்கு கிறிஸ்துமஸ் தினத்தன்று, 12 வகை உணவுகளுடன் விருந்து நடக்கும் * பிரிட்டனில் எல்லா தேவாலயங்களிலும் மெழுகுவர்த்தி ஏற்றப்பட்டு, அலங்கரிக்கப்பட்டிருக்கும். அன்று இரவு கிறிஸ்துமஸ் விருந்தில், உணவுவகைகளுடன், ஏகப்பட்ட சாக்லேட்டுகளும் இடம்பெறும் * டென்மார்க் நாட்டில், கிறிஸ்துமஸ் ரொம்பவே வித்தியாசமாக இருக்கும். இரவு உணவுக்கு அரிசி வகை உணவும், பால், வெனிலா மற்றும் பாதாம் கலந்த இனிப்பும் பரிமாறப்படும். இதற்கு, 'ரிஸ் அ லா மாண்டோ' என்று பெயர் * பின்லாந்து நாட்டில், கிறிஸ்துமஸ் ஈவ், கிறிஸ்துமஸ் நாள் மற்றும் பாக்ஸிங் நாள் என்று, மூன்று நாட்கள் கிறிஸ்துமஸ் விழா நடைபெறும். இந்நாட்டில், கிறிஸ்துமஸ் ஸ்பெஷலாக, வான்கோழி சேர்த்து சமைத்த உணவு இருக்கும்.