உள்ளூர் செய்திகள்

ருமேனியாவின், "இன்ச் இடுப்பழகி!

கொடியிடையாள், மெல்லிடையாள் என, பெண்களின் இடையை, கவிஞர்கள் வர்ணித்துள்ளதை படித்திருக்கிறோம். இந்த கொடியிடை அமைவதற்காக, பல இளம் பெண்கள், சத்தான உணவுகளை சாப்பிடாமல், தங்களை வருத்திக் கொள்வதும் உண்டு. ஆனாலும், ஆயிரத்தில் ஒருத்தருக்கு தான், இது சாத்தியமாகும்.அப்படிப்பட்ட ஆயிரத்தில் ஒருத்தி தான், ருமேனியாவைச் சேர்ந்த பிரபல மாடல் அழகி லோனா ஸ்பான்ஜென்பெர்க். ஐந்து அடி, ஆறு அங்குலம் உயரம் கொண்ட இந்த மாடல் அழகியின் மொத்த எடை என்ன தெரியுமா? 38 கிலோ தான். அதை விட ஆச்சரியத்திலும் ஆச்சரியம், இவரது இடையின் அளவு, வெறும், 20 அங்குலம் மட்டுமே. பேஷன் ÷ஷாக்களில் இவர் கேட்வாக் செய்யும்போது நேரில் பார்த்தால், ஒடிந்து விழுந்து விடுவாரோ என, பதறிப் போய் விடுவீர்கள்.'மேடம், இவ்வளவு மெல்லிய இடை அமைவதற்காக, எத்தனை நாட்கள் பட்டினி இருந்தீர்கள்'என, கேட்டால், 'அட போங்க பாஸ்... பட்டினியாவது, ஒன்றாவது. இப்போது கொடுத்தால் கூட ஐந்து, 'அன்லிமிடெட் மீல்ஸ்' சாப்பிடுவேன். பீட்சா, பர்கர் என எதையும் விட்டு வைக்க மாட்டேன். எல்லாம் தானாக அமைந்தது...' என, கண்களை சுருக்கி, உதட்டைச் சுளித்து, பளீர் சிரிப்பை உதிர்க்கிறார்.இவர், வானத்தில் இருந்து இறங்கி வந்த வெள்ளுடை தேவதை அல்ல. வரம் வாங்கி பிறந்த மெல்லிடை தேவதை.— ஜோல்னா பையன்.


தினமலர் சேனல்களுக்கு SUBSCRIBE செய்யுங்கள் !