புதுடில்லி: அரவிந்த் கெஜ்ரிவாலை எதிர்த்து, முன்னாள் எம்.பி.,யும், முன்னாள் முதல்வர் சாகிப் சிங் வர்மாவின் மகனுமான பர்வேஷ் வர்மா போட்டியிடுகிறார். இன்று பா.ஜ., வெளியிட்டுள்ள முதல் வேட்பாளர் பட்டியலில் 29 பேர் இடம் பெற்றுள்ளனர்.70 தொகுதிகளைக் கொண்ட டில்லி சட்டசபைக்கு தேர்தல் நடைபெற உள்ளது. இந்தத் தேர்தலில் லோக்சபா தேர்தலைப் போல அல்லாமல், தனித்துப் போட்டியிடுவதாக ஆம்ஆத்மி தெரிவித்துள்ளது. ஊழல் வழக்கில் கைதாகி, முதல்வர் பதவியை கெஜ்ரிவால் இழந்துள்ள நிலையில், ஆம்ஆத்மி சந்திக்கும் முதல் தேர்தல் என்பதால், அனைவரின் கவனத்தையும் பெற்றுள்ளது. https://static.vidgyor.com/player/vod/html/indexv2.html?videoId=sbr1819w&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0தேர்தலுக்கு ஆயத்தமாகி வரும் ஆம்ஆத்மி கட்சி வேட்பாளர் பட்டியலை வெளியிட்டு, பிரசாரத்தை துவங்கி உள்ளது. கட்சியின் தலைவர் கெஜ்ரிவால் புதுடில்லி தொகுதியிலும், முதல்வர் அதிஷி கல்காஜி தொகுதியிலும், சவுரவ் பரத்வாஜ் கைலாஷ் தொகுதியிலும் போட்டியிடுகின்றனர். பா.ஜ.,வில் இருந்து விலகி இன்று மனைவியுடன் ஆம்ஆத்மியில் சேர்ந்த ரமேஷ் பெல்வான், கஸ்தூர்பா நகர் தொகுதியின் வேட்பாளராக அறிவிக்கப்பட்டுள்ளார். இந்நிலையில், இன்று (ஜன.,04) தேர்தலில் போட்டியிடும் பா.ஜ., வேட்பாளர்களின் முதல் பட்டியல் வெளியானது. 29 பேர் பட்டியலில் இடம் பெற்றுள்ளனர். அரவிந்த் கெஜ்ரிவாலை எதிர்த்து, முன்னாள் எம்.பி.,யும், முன்னாள் முதல்வர் சாகிப் சிங் வர்மாவின் மகனுமான பர்வேஷ் வர்மா போட்டியிடுகிறார். பா.ஜ., மூத்த தலைவர் ரமேஷ் பிதுரி டில்லி முதல்வர் அதிஷியை எதிர்த்து களம் இறங்குகிறார். அண்மையில் ஆம்ஆத்மியில் இருந்து விலகி, பா.ஜ.,வில் இணைந்த முன்னாள் அமைச்சர்கள் ராஜ்குமார் ஆனந்த், கைலாஷ் கெலாட்டுக்கு தேர்தலில் போட்டியிட சீட் கொடுக்கப்பட்டுள்ளது.
பர்வேஸ் வர்மா என்றால் தோற்று விடுவார்...பர்வேஸ் முஹம்மது என்று பேரை மாற்றினால் வெற்றி நிச்சயம்...
அரவிந்த் கெஜ்ரிவால் தோல்வி அடைய வேண்டும்