அழகப்பா பல்கலை மையத்தில் ஸ்லெட் தேர்வு

காரைக்குடி: மாநில அளவில் கல்லூரி விரிவுரையாளர்களுக்கான தகுதிகாண் தேர்வு, ஆக.,14ம் தேதி(இன்று)  காரைக்குடி அழகப்பா பல்கலை மையத்தில் நடைபெறுகிறது.  1200 மாணவர்கள் எழுதும் இத்தேர்வு காலை 9.30 முதல் மதியம் 12 மணி வரையிலும், பிற்பகல் 1.30 முதல் மாலை 4 மணி வரையிலும், காரைக்குடி டாக்டர் உமையாளர் ராமநாதன் மகளிர் கல்லூரி, பல்கலை மேலாண்மை கட்டட வளாகத்தில் நடக்கிறது. பல்கலை மானிய குழு தேசிய அளவில் &'நெட்&' தேர்வு நடத்துவது போல, மாநில அளவில் கல்லூரி விரிவுரையாளர்களுக்கான தகுதிகாண் தேர்வு நடக்கிறது. சென்னை, கோவை, திருச்சி, மதுரை, சேலம், நெல்லை உட்பட தமிழ்நாடு முழுவதும் 10 மையங்களில் 27 பாடங்களுக்கு பாரதியார் பல்கலை மூலம் தேர்வு நடத்தப்படுகிறது.