எய்ம்ஸ் மாதிரியிலான 6 புதிய மருத்துவக் கல்லூரிகள்

டெல்லி: எய்ம்ஸ் மருத்துவக் கல்வி நிறுவனத்தைப் போன்று, அமைக்கப்பட்ட புதிய 6 மருத்துவக் கல்வி நிறுவனங்கள், இந்த 2013ம் ஆண்டு முதல் செயல்படத் துவங்கும். இதுதொடர்பான அறிவிப்பை, மத்திய பட்ஜெட்டில், நிதியமைச்சர் ப.சிதம்பரம் வெளியிட்டார். இதற்காக, ரூ.1,650 கோடி ஒதுக்கப்பட்டுள்ளது என்று அவர் தெரிவித்தார். அந்தக் கல்லூரிகள், ஜோத்பூர், போபால், ரிஷிகேஷ், புபனேஷ்வர், ராய்ப்பூர் மற்றும் பாட்னா ஆகிய இடங்களில் அமைக்கப்பட்டுள்ளன. இக்கல்லூரிகளில், கடந்த 2012ம் ஆண்டு செப்டம்பர் மாதம், மாணவர் சேர்க்கையைத் துவக்க, அனுமதி வழங்கப்பட்டது. இக்கல்லூரிகளுடன் இணைக்கப்பட்ட மருத்துவமனைகள், இந்தாண்டு முதல் செயல்படத் தொடங்கும்.