அரசியல் கட்சிகளுக்கு கிடுக்கிப்பிடி

புதுச்சேரி : லோக்சபா தேர்தலையொட்டி, அரசியல் கட்சிகளுக்கு நன்னடத்தை விதிகளை தேர்தல் துறை வெளியிட்டுள்ளது.

அதன் முக்கிய அம்சங்கள்

 ஆட்சியில் இருக்கும் கட்சி, அரசின் சாதனைகள் தொடர்பான விளம்பரங்களை அரசின் செலவினத்தில் வெளியிட தடை செய்யப்பட்டுள்ளது. வேட்பாளராக இல்லாத நிலையில் எந்த ஒரு அமைச்சரும் அவர் ஓட்டளிக்கும் ஓட்டுச்சாவடியை தவிர பிற ஓட்டுச்சாவடிகள், ஓட்டு எண்ணும் மையத்தில் நுழைய கூடாது. அரசு அலுவலக பணிகளை தேர்தல் பிரசாரம் தொடர்பாக பணிகளோடு கலந்து கொள்ளுதல் கூடாது. வாக்காளர்களுக்கு எந்தவிதமான துாண்டுதலும், நிதியாகவோ அல்லது வேறுவிதமாகவோ வழங்க கூடாது. மற்ற கட்சிகளின் தலைவர்கள் அல்லது ஊழியர்களின் தனிப்பட்ட வாழ்க்கை, பொது நடவடிக்கைகளுடன் தொடர்பு இல்லாததை பற்றி எதையும் விமர்சிக்க கூடாது. சரிபார்க்கப்படாத குற்றச்சாட்டுகள், திரிபுகளின் அடிப்படையில் மற்ற கட்சிகள் அல்லது அவர்களது ஊழியர்களை விமர்சிக்க கூடாது. கோவில்கள், மசூதிகள், தேவாலயங்கள் உள்பட எந்த வழிபாட்டு தலங்களையும் தேர்தல் பிரசார இடமாக பயன்படுத்த கூடாது. பேச்சு, சுவரொட்டிகள், இசை நிகழ்ச்சிகளும் இவற்றில் உள்ளடக்கம்.