சூர்யகுமார் நம்பர்-1: ஐ.சி.சி., டி-20 தரவரிசையில்

துபாய்: ஐ.சி.சி., 'டி-20' போட்டி பேட்டர் தரவரிசையில் இந்தியாவின் சூர்யகுமார் யாதவ் 'நம்பர்-1' இடத்தில் நீடிக்கிறார்.'டி-20' போட்டியில் சிறந்து விளங்கும் வீரர்களுக்கான தரவரிசை பட்டியலை சர்வதேச கிரிக்கெட் கவுன்சில் (ஐ.சி.சி.,) துபாயில் வெளியிட்டது. பேட்டர்களுக்கான தரவரிசையில் இந்தியாவின் சூர்யகுமார் யாதவ், 861 புள்ளிகளுடன் முதலிடத்தை தக்கவைத்துக் கொண்டார். மற்றொரு இந்திய வீரர் யாஷஸ்வி ஜெய்ஸ்வால் (714) 6வது இடத்தில் நீடிக்கிறார்.பவுலர்களுக்கான தரவரிசையில் இந்தியாவின் அக்சர் படேல் (660), ரவி பிஷ்னோய் (659) 4, 5வது இடத்தில் உள்ளனர். முதலிடத்தில் இங்கிலாந்தின் அடில் ரஷித் (726) உள்ளார்.'ஆல்-ரவுண்டர்' தரவரிசையில் இந்தியாவின் ஹர்திக் பாண்ட்யா (185) 7வது இடத்தில் தொடர்கிறார். முதலிடத்தை வங்கதேசத்தின் சாகிப் அல் ஹசன், இலங்கையின் ஹசரங்கா (தலா 228 புள்ளி) பகிர்ந்து கொண்டுள்ளனர்.