ஹாக்கி: இந்திய பெண்கள் வெற்றி

சாண்டியாகோ: ஜூனியர் உலகக்கோப்பை ஹாக்கி, 9-16வது இடத்துக்கான போட்டியில் இந்திய பெண்கள் அணி 3-1 என, வேல்சை வீழ்த்தியது.சிலியில், பெண்களுக்கான ஜூனியர் உலகக்கோப்பை ஹாக்கி 11வது சீசன் நடக்கிறது. 'சி' பிரிவு லீக் சுற்றில் நமீபியா, அயர்லாந்தை வீழ்த்திய இந்தியா, ஜெர்மனியிடம் தோல்வியடைந்து 2வது இடம் பிடித்தது.இதன் 9-16வது இடத்துக்கான போட்டியில் இந்தியா, வேல்ஸ் அணிகள் மோதின. இதில் இந்திய அணி 3-1 என்ற கணக்கில் வெற்றி பெற்றது. இந்தியா சார்பில் ஹினா பானோ (14வது நிமிடம்), சுனேலிதா (24வது), இஷிகா (31வது) தலா ஒரு கோல் அடித்தனர். வேல்ஸ் அணிக்கு எலோயிஸ் (52வது நிமிடம்) ஆறுதல் தந்தார்.இந்திய அணி, வரும் டிச. 10ல் நடக்கவுள்ள 9-12வது இடத்துக்கான போட்டியில் உருகுவே அணியை எதிர்கொள்கிறது.