வரைவு வழிகாட்டி பதிவேடு ஆட்சேபனை தெரிவிக்க வாய்ப்பு

செங்கல்பட்டு:வருவாய் கிராமங்கள் வாரியாக, வரைவு வழிகாட்டி பதிவேடு தயாரிக்கப்பட்டு வெளியிடப்பட்டுள்ளது. இதன் மீது ஆட்சேபனை இருந்தால் தெரிவிக்காலம். இதுகுறித்து, கலெக்டர் அருண்ராஜ் அறிக்கை:சந்தை வழிகாட்டி மதிப்பினை சீரமைத்தல் தொடர்பாக, இந்திய முத்திரைச்சட்டம் பிரிவு 47ஏ - ன் கீழான தமிழ்நாடு முத்திரைத்தாள் சட்டம் - 2010 விதிகளில், விதி 4 (2)ன்படி, மைய மதிப்பீடு குழு, கடந்த ஏப்., 26ம் தேதி, நிர்ணயம் செய்தது.செங்கல்பட்டு மாவட்டத்தில் உள்ள வருவாய் கிராமங்கள் வாரியாக, வரைவு வழிகாட்டி பதிவேடு தயாரிக்கப்பட்டுள்ளது.அவை, பொதுமக்கள் பார்வையிடும் வகையில், வட்டாட்சியர், சார் - பதிவாளர் அலுவலகங்கள் உட்பட முக்கிய அரசு அலுவலகங்களில் வைக்கப்பட்டுள்ளன.இதன் விபரங்கள் www.tnreginet.gov.inஎன்ற இணையதளத்தில், அனைவரும் தெரிந்துகொள்ளும் வகையில் வெளியிடப்பட்டுள்ளது.இதன் மீது ஏதேனும் ஆட்சேபனைகள் மற்றும் கருத்துரைகள் இருப்பின், அதனை 15 நாட்களுக்குள், கலெக்டர் தலைமையிலான மதிப்பீட்டு துணைக்குழுவிடம் தெரிவிக்கலாம்.இவ்வாறு அதில் கூறப்பட்டுள்ளது.