எஸ்.பி., குறைதீர்வு கூட்டம் 6 மனு விசாரணைக்கு ஏற்பு

செங்கல்பட்டு:செங்கல்பட்டில் நடந்த எஸ்.பி., குறை தீர்க்கும் கூட்டத்தில், பல்வேறு பிரச்னைகள் தொடர்பாக, 6 மனுக்கள் விசாரணைக்கு ஏற்றுக்கொள்ளப்பட்டன.செங்கல்பட்டு அடுத்த மலையடிவேண்பாக்கத்தில், மாவட்ட காவல் அலுவலகம் உள்ளது. இங்கு, எஸ்.பி., அலுவலக கூட்ட அரங்கில், மக்கள் குறை தீர்க்கும் கூட்டம், மதுவிலக்கு பிரிவு டி.எஸ்.பி., வேல்முருகன் தலைமையில், நேற்று நடந்தது.இதில், பண மோசடி, நில பிரச்னை உட்பட 6 மனுக்கள் வரப்பெற்றன. இந்த மனுக்கள் மீது, செங்கல்பட்டு, மதுராந்தகம், மாமல்லபுரம் காவல் துணை கண்காணிப்பாளர் அலுவலக கட்டுப்பாட்டில் உள்ள டி.எஸ்.பி., மற்றும் இன்ஸ்பெக்டர்கள் விசாரணை செய்து, உடனடியாக நடவடிக்கை எடுக்க வேண்டும் என, டி.எஸ்.பி., உத்தரவிட்டார்.