மாநில பள்ளி ஹாக்கி போட்டி சென்னை மண்டல அணி வெற்றி

சென்னை : தமிழ்நாடு ஹாக்கி யூனிட் சார்பில், பள்ளிகளுக்கு இடையிலான மாநில ஹாக்கி லீக் போட்டி, எழும்பூர் ராதாகிருஷ்ணன் ஹாக்கி அரங்கில் நடக்கிறது.சென்னை, மதுரை உட்பட ஆறு பள்ளி அணிகளும், ஆறு மண்டல இணைப்பு அணிகளும் பங்கேற்றுள்ளன. 12 அணிகளும், நான்கு பிரிவாக பிரிக்கப்பட்டு, 'லீக்' முறையில் மோதி வருகின்றன.நேற்று காலை நடந்த ஆட்டத்தில், ராமநாதபுரம் மண்டல இணைப்பு அணி, 1 - 0 என்ற கோல் கணக்கில், சேலம் மண்டல இணைப்பு அணியை தோற்கடித்தது.மற்றொரு ஆட்டத்தில், சென்னை மண்டல இணைப்பு அணி மற்றும் திருச்சி மண்டல இணைப்பு அணிகள் மோதின. விறுவிறுப்பான இப்போட்டியில், 2 - 1 கோல் கணக்கில், சென்னை மண்டல இணைப்பு அணி வெற்றி பெற்றது. போட்டிகள் தொடர்ந்து நடைபெற்று வருகின்றன.