65 மின்சார ரயில் நாளை ரத்து

சென்னை, செப். 14-தாம்பரம் ரயில்வே யார்டில் மேம்பாட்டு பணிகள், நாளை காலை 9:00 முதல் இரவு 7:00 மணி வரை நடக்க உள்ளன. இதனால், இந்த தடத்தில் வழக்கமாக செல்ல வேண்டிய 65 மின்சார ரயில்களின் சேவை ரத்து செய்யப்பட்டுள்ளது.கடற்கரை - தாம்பரம் இடையே 32 பயணியர் மின்சார சிறப்பு ரயில்கள் இயக்கப்பட உள்ளன.

சிறப்பு ரயில்

ஓணம் பண்டிகையையொட்டி, சென்ட்ரலில் இருந்து வரும் 17ம் தேதி மாலை 3:00 மணிக்கு சிறப்பு ரயில் புறப்படும். டிக்கெட் முன்பதிவு துவங்கி உள்ளது.

கொச்சுவேலி சிறப்பு ரயில்

ஓணம் பண்டிகையையொட்டி, கொச்சுவேலியில் இருந்து வரும் 16ம் தேதி நண்பகல் 12:50 மணிக்கு புறப்படும் சிறப்பு ரயில், மறுநாள் காலை 9:30 மணிக்கு சென்னை சென்ட்ரல் வரும். சென்ட்ரலில் இருந்து வரும் 17ம் தேதி மாலை 3:00 மணிக்கு புறப்படும் சிறப்பு ரயில், மறுநாள் காலை 8:50 மணிக்கு கொச்சுவேலிக்கு செல்லும். இந்த சிறப்பு ரயில்களுக்கு டிக்கெட் முன்பதிவு துவங்கி உள்ளது