சர்வதேச சிலம்ப போட்டி பதக்கங்கள் அள்ளிய காஞ்சி

காஞ்சிபுரம், தாய்லாந்து சிலம்பம் கமிட்டி மற்றும் சர்வதேச சிலம்பம் கமிட்டி சார்பில், சர்வதேச அளவிலான நான்காவது சிலம்பம் சாம்பியன்ஷிப், தாய்லாந்து நாட்டின் தலைநகரமான பாங்காக்கில். ஆக., 3 முதல் 5 வரை நடந்தது.இதில், 8 - 35 வயதிற்கு உட்பட்டோருக்கான போட்டியில், இந்தியா, தாய்லாந்து, சிங்கப்பூர், மலேஷியா, இலங்கை, அயர்லாந்து உள்ளிட்ட பல்வேறு நாடுகளைச் சேர்ந்த, 120க்கும் மேற்பட்டோர் பங்கேற்றனர்.இப்போட்டியில், காஞ்சி ஸ்போர்ட்ஸ் அகாடமியில், சிலம்பம் பயிற்சி பெற்ற மாணவி உட்பட 6 மாணவர்கள் பங்கேற்றனர். ஐந்து பிரிவுகளாக நடத்தப்பட்ட போட்டிகளில், 5 தங்கம், 5 வெள்ளி, 2 வெண்கலம் என, 12 பதக்கங்களை வென்று அசத்தினர். பதக்கம் வென்ற வீரர்களை பயிற்சியாளர் பாபு பாராட்டி வாழ்த்து தெரிவித்தார்.