பாரதிதாசனின் புரட்சிக்கவி நாட்டிய நாடகம் அசத்தல்

சென்னை: புரட்சி கவிஞர் பாரதிதாசன் படைத்த 'புரட்சிக்கவி' எனும் கவிதையை, 'பரத நாட்டியாலயா' எனும் நாட்டியப் பள்ளி நாட்டிய நாடகமாக மாற்றி, தி.நகர் வாணி மஹாலில் நேற்று அரங்கேற்றியது. இளவரசி அமுதவல்லி கவிதை பற்றி அறிய, உதாரன் என்ற கவிஞனை மன்னர் நியமிக்கிறார். உதாரன் அழகானவன் என்பதால் இளமை வாய்ந்த அமுதவல்லியை நேரில் சந்திக்காமல் இருக்க திட்டமிடுகிறார். அமுதவல்லி தொழு நோயாளி என உதாரனிடமும், உதாரன் குருடன் என அமுதவல்லியிடமும் தெரிவிக்கிறார். இருவரும் பார்க்காமல் இருக்க நடுவில் திரை கட்டப்படுகிறது. ஒருநாள், 'நீலவான் ஆடைக்குள் உடல் மறைத்து, நிலா என்று காட்டுகின்றாய் ஒளிமுகத்தை!' என, வானத்து நிலவை கண்டு உதாரன் கவி பாடுகிறார். அதைக் கேட்டு மெய்சிலிர்த்த அமுதவல்லி, உதாரன் கண் இல்லாதவனாக இருக்க முடியாது என எண்ணி, திரையை விலக்கி, உதாரனை காண்கிறார். இருவரும் ஏமாற்றப்பட்டுள்ளதை உணர்கின்றனர்; பின் காதலிக்கின்றனர். இந்த செய்தி, மன்னருக்கு செல்கிறது. உதாரன் தலையை சீ வ ஆணையிடப்படுகிறது. அரசபைக்கு வரும் அமுதவல்லி, 'அரசு என ஒரு ஜாதி, அதற்கு அயல் என வேறு ஜாதி உண்டோ?' என, மன்னரை பார்த்து கேட்கிறார். கதை இப்படியே விறுவிறுப்பாக நகர, இளவரசி, உதாரன் ஆகிய இருவரின் தலையையும் வெட்டும்படி, மன்னர் ஆணையிடுகிறார். கொலைகளத்தில் கூடியிருந்த மக்களிடம், உதாரன் 'புரட்சிக்கவி' பாடி, மன்னரின் சர்வாதிகாரப் போக்கை எடுத்துரைக்கிறார். மக்களிடம் சென்ற புரட் சி, மன்னராட்சிக்கு முடிவு கட்டுகிறது. அமுதவல்லியும், உதாரனும் இணை கின்றனர். இந்த நாட்டிய நாடகத்தை, தமிழ்நாடு இயல், இசை, நாடக மன்றத்தின் நிதி உதவியுடன், 'பரத நாட்டியாலயா' நாட்டிய பள்ளி நிறு வனர் லதா ரவி இயக்கினார். அப்பள்ளியைச் சேர்ந்த 50க்கும் மேற்பட்ட மாணவியர் நடித்து அசரடித்தனர். டி.எச்.தியாகராஜன் இசையமைத்தார்.