நுால் அறிமுகம்

ஓர்மைகள் மறக்குமோஆசிரியர்: அரசு அமல்ராஜ்வெளியீடு: காலச்சுவடுபக்கம்: 239, விலை: ரூ.290மேற்கு தொடர்ச்சி மலையின் மாஞ்சோலையை புவியியல், நிலவியல், சூழலியல் ரீதியில் ஆராயும் நுால். சோலைக்காடு வளமானதையும், அங்குள்ள மக்களின் பண்பாடு, கலாசாரம் பற்றியும் அலசுகிறது. அந்நிலத்தின் மாறி மாறி அமைந்துள்ள அதிகாரம் பற்றியும் பேசுகிறது.உயிரைக் காத்த நாகம்ஆசிரியர்: கே.பி.அறிவானந்தம்வெளியீடு: சத்யா என்டர்பிரைசஸ்பக்கம்: 122, விலை: ரூ.160ஒரு அமானுஷ்ய திரைப்படத்துக்கான கதையை நாவலாக்கியது போன்ற கதை. ஒருவனுக்கு நாக தோஷம். அவனைக்கொல்ல விதிக்கப்பட்ட நாகத்துக்கு பால் வார்க்கும் கோகிலாவின் காதலனே அவன். பாசம், காதல், மர்மம் என மாறி மாறி விறுவிறுப்பாக பயணிக்கிறது நாவல்.டிங்கிள் கோல்டு -கலக்டர்ஸ் எடிஷன் 3 (ஆங்கிலம்)ஆசிரியர்: அபர்னா சுந்தரேசன்வெளியீடு: அமர் சித்ரா கதா பி.லிட்பக்கம்: 194, விலை: ரூ. 449வண்ணப்படங்களுடன் பள்ளி குழந்தைகள் விரும்பிப் படிக்கும் சாகசக் கதைகள் நிறைந்த 'டிங்கிள் கோல்ட் - கலெக்டர்ஸ்' எடிஷனின் மூன்றாவது புத்தகம். சுப்பாண்டி, ஸ்ரீஹரி ஷாம்புவுடன் துப்பறியும் ராகுல், ரவியும் சேர்ந்து செய்யும் சாகசங்கள் நிறைந்தது. ராஜிப் தாஸின் ஓவியங்கள் மிளிர்கின்றன.தீட்டுப்பறவைஆசிரியர்: கிரேஸ் பானுவெளியீடு: திருநங்கை பிரஸ்பக்கம்: 116, விலை: ரூ. 150அமெரிக்க பயணத்தை விவரிக்கிறது. இதில், திருநங்கையாக தன்னை அடையாளம் கண்டது முதல், அடையாளப்படுத்தியது வரையிலான தகவல்கள் மீள் நினைவுகளாகவும், வெளிநாடுகளில் உள்ள திருநங்கைகளின் நிலை, சட்டம், அணுகுமுறை பற்றியும் விவரிக்கிறது.என்பா என்பாதான்ஆசிரியர்: அழகிய சிங்கர்வெளியீடு: விருட்சம்பக்கம்: 70, விலை: ரூ. 70'யாருடனும் நான் பேசப் போவதில்லை - எனக்குப் பதில் பணம் பேசுகிறது - கன்னத்தில் கை வைத்தபடி அமர்ந்திருக்கிறேன் - சொல்ல என்ன இருக்கிறது' என்ற வகையில், நுால் நெடுக, அழகியசிங்கரின் புதுவ வடிவ புதுக்கவிதைகள் விரவிக்கிடக்கின.வான் உயர்ந்த ஆதுர சாலைஆசிரியர்: ராசி அழகப்பன்வெளியீடு: காக்கைக்கூடுபக்கம்: 136, விலை: 150நாவல், வேம்பு, பனை, புங்கன், கொடுக்காப்புளி, புளி, பூவரசு என, 17 மரங்களைப் பற்றி எழுதப்பட்டுள்ள நுால். இதில், மரங்களின் தாவரவியல் பெயர், பாகங்கள், சித்த மருத்துவ குணங்கள் மற்றும் மரம் சார்ந்த கிராமத்து வாழ்வியல் என கலந்து கட்டப்பட்ட கதம்பம் இது.