இருதய பாதிப்புள்ள குழந்தைகளுக்கு கே.எம்.சி.எச்.,ல் இலவச ஆலோசனை

இருதய பாதிப்புள்ள குழந்தைகளுக்கு தேவையான பரிசோதனை மற்றும் சிகிச்சை அளிப்பது தொடர்பான இலவச ஆலோசனை முகாம், கோவை - அவிநாசி ரோட்டில் உள்ள, கே.எம்.சி.எச்.,ல் நடக்கிறது.கோவை மெடிக்கல் சென்டர் மருத்துவமனை நிர்வாகத்தினர் கூறியதாவது:மருத்துவமனையில் உள்ள குழந்தைகளுக்கான சிறப்பு மருத்துவ பிரிவில், இருதயம், நரம்பு, எலும்பு, உளவியல், வயிறு, சிறுநீரகம் தொடர்பான அனைத்து பாதிப்புக்கும், அதிநவீன சிகிச்சை அளிக்கப்படுகிறது.இருதய பாதிப்புள்ள குழந்தைகளுக்கான இலவச ஆலோசனை முகாம், தற்போது மருத்துவமனையில் நடந்து வருகிறது. வரும் 31ம் தேதி வரை, ஞாயிறு மற்றும் விடுமுறை நாட்கள் தவிர பிற நாட்களில், தினமும் காலை, 9:00 முதல் பிற்பகல், 3:00 மணி வரை முகாம் நடக்கிறது. சம்பந்தப்பட்ட துறை சார்ந்த மருத்துவர்கள் ஆலோசனை வழங்குகின்றனர்.சுவாசிப்பதில் சிரமம், தோல் நீல நிறமாக மாறுதல், அடிக்கடி நுரையீரல் தொற்று, உடல் எடை அதிகரிக்காதது, விளையாடும்போது சோர்வு, குடும்பத்தில் யாருக்கேனும் இருதய நோய், இதற்கு சிகிச்சை பெற்றது, பிறவியிலேயே இருதய குறைபாடு, மரபணு குறைபாடுகள் உள்ளிட்ட பிரச்னைகளால், பாதிக்கப்பட்ட பச்சிளம் குழந்தை முதல் 18 வயது வரையானவர்கள் பங்கேற்கலாம்.மேலும், வலிப்பு, தலைவலி, பக்கவாதம், தசைநார் சிதைவு, பேச்சில் தாமதம், ஆட்டிசம், கவனமின்மை மற்றும் அதிவேக செயல்தன்மை, பெருமூளை வாதம், அறிவுத்திறன் குறைபாடு, மன அழுத்தம், மனச்சோர்வு, துாக்கமின்மை, வீடியோகேம், மொபைல்போன் மற்றும் இன்டர்நெட் பயன்பாட்டுக்கு அடிமையாகுதல் உள்ளிட்ட நரம்பியல், வளர்ச்சி குறைபாடுகள் உள்ள குழந்தைகளும் இம்முகாமில் பங்கேற்கலாம்.இலவச மருத்துவ ஆலோசனையுடன், பரிசோதனை மற்றும் சிகிச்சையை சலுகை கட்டணத்தில் பெறலாம்.மேலும் விவரங்களுக்கு, 73393 33485 என்ற எண்ணில் தொடர்பு கொள்ளலாம்.இவ்வாறு, அவர்கள் கூறினர்.