இன்ஜினியரிங் பணிகளால் ரயில்கள் இயக்கத்தில் மாற்றம்

கோவை : இன்ஜினியரிங் பணிகளால், ரயில்கள் இயக்கத்தில் மாற்றம் செய்யப்பட்டுள்ளது.கோவை - போத்தனுார் இடையேயான ரயில்வே பாதையில், இன்ஜினியரிங் பணிகள் நடக்க உள்ளன. இதை முன்னிட்டு, இன்று முதல் வரும், 8ம் தேதி வரை ரயில்கள் இயக்கத்தில் மாற்றம் செய்யப்பட்டுள்ளது.அதன்படி, பாலக்காடு டவுன் - திருச்சி(16844) இடையேயான எக்ஸ்பிரஸ் ரயில், போத்தனுார் - இருகூர் வழியாக இயக்கப்படும். கோவை, வடகோவை, பீளமேடு ரயில்வே ஸ்டேஷன்கள் செல்லாது.பாலக்காடு - கோவை(66606), பொள்ளாச்சி - கோவை(56110), சொரனுார் - கோவை(56604) ஆகிய ரயில்கள், போத்தனுார் வரை மட்டுமே இயக்கப்படும்.மேட்டுப்பாளையம் - போத்தனுார்(66611) ரயில் கோவை ரயில்வே ஸ்டேஷன் வரை மட்டுமே இயக்கப்படும். போத்தனுாரில் இருந்து காலை, 9:40 மணிக்கு புறப்படும் போத்தனுார் - மேட்டுப்பாளையம் (66612) மெமு ரயில், போத்தனுாருக்கு பதில் கோவை ரயில்வே ஸ்டேஷனில் இருந்து காலை, 9:55 மணிக்கு புறப்படும்.