தேங்காய் விலை கிலோவுக்கு 2 ரூபாய் சரிவு

அன்னூர்: அன்னூர் ஒழுங்குமுறை விற்பனை கூடத்தில், வேளாண் விளைபொருட்கள் ஏல விற்பனை நேற்று நடந்தது. இதில், 14 ஆயிரத்து 150 தேங்காய்கள் விற்பனைக்கு கொண்டு வரப்பட்டிருந்தன. ஒரு கிலோ தேங்காய் குறைந்தது, 51 ரூபாய் 60 பைசா முதல், அதிகபட்சமாக, 61 ரூபாய் 10 பைசா வரை விற்பனையானது. கடந்த வாரத்தை விட, கிலோவுக்கு இரண்டு ரூபாய் விலை குறைந்தது. தேங்காய் கொப்பரை, 38 மூட்டை விற்பனைக்கு வந்திருந்தது. ஒரு கிலோ குறைந்தது, 143 ரூபாய் 89 பைசா முதல், அதிகபட்சமாக, 218 ரூபாய் வரை விற்பனையானது. கொப்பரை ஒரு கிலோவுக்கு எட்டு ரூபாய் விலை குறைந்தது. தேங்காய் மற்றும் கொப்பரை தொடர்ந்து இரண்டாவது வாரமாக, விலை குறைந்துள்ளது. தேங்காய் தொட்டி ஒரு கிலோ 29 ரூபாய் 43 பைசாவுக்கு விற்பனையானது. 45 விவசாயிகளும் 15 வியாபாரிகளும் ஏலத்தில் பங்கேற்றனர். இத்தகவலை. கோவை விற்பனை குழு முதுநிலை செயலா ளர் ஆறுமுக ராஜன் தெரிவித்தார்.