தேங்காய் விலை ஏலத்தில் கடும் சரிவு

அன்னுார்: அன்னுாரில், ஏலத்தில் தேங்காய் விற்பனை கடுமையாக சரிந்தது. அன்னுார் ஒழுங்குமுறை விற்பனை கூடத்தில், வேளாண் விளை பொருட்கள் ஏல விற்பனை நடந்தது. இதில் 8 ஆயிரத்து 26 தேங்காய்கள் விற்பனைக்கு கொண்டு வரப்பட்டிருந்தன. தேங்காய் ஒரு கிலோ குறைந்தது 51 ரூபாய் 50 பைசா முதல், அதிகபட்சம் 63 ரூபாய் 33 பைசா வரை விற்பனையானது. கடந்த வாரத்தை விட 10 சதவீதம் விலை குறைந்துள்ளது. தேங்காய் கொப்பரை 20 மூட்டை விற்பனைக்கு கொண்டு வரப்பட்டிருந்தது. குறைந்தபட்சம் ஒரு கிலோ 160 ரூபாய் முதல் அதிகபட்சம் 226 ரூபாய் வரை விற்பனையானது. கொப்பரையும் கடந்த வாரத்தை விட விலை குறைவாக விற்பனையானது. தண்ணீர் வற்றிய தேங்காய் ஒரு கிலோ 72 ரூபாய்க்கு விற்பனையானது. தேங்காய் தொட்டி ஒரு கிலோ 29 ரூபாய்க்கு விற்பனையானது. இத்தகவலை கோவை விற்பனை குழு முதுநிலை செயலாளர் ஆறுமுக ராஜன் மற்றும் விற்பனை கூட கண்காணிப்பாளர் சந்திரசேகரன் ஆகியோர் தெரிவித்தனர்.