ஆனைமலையில் கொப்பரை ஏலம்
ஆனைமலை: ஆனைமலையில் நடந்த கொப்பரை ஏலத்தில் அதிகபட்சமாக கிலோவுக்கு, 223.10 ரூபாய் விலை கிடைத்தது. ஆனைமலை ஒழுங்குமுறை விற்பனை கூடத்தில், கண்காணிப்பாளர் செந்தில்முருகன் தலைமையில் கொப்பரை ஏலம் நடந்தது. முதல் தர கொப்பரை, 212 மூட்டைகள் ஏலம் விடப்பட்டதில், கிலோவுக்கு, 214.10 ரூபாய் முதல், 223.10 ரூபாய் வரை விலை கிடைத்தது. இரண்டாம் தர கொப்பரை, 336 மூட்டைகள் ஏலம் விடப்பட்டதில் கிலோவுக்கு, 129 முதல், 183.10 ரூபாய் வரை விலை கிடைத்தது. மொத்தம், 548 கொப்பரை மூட்டைகளை, 96 விவசாயிகள் கொண்டு வந்தனர். ஏலத்தில் 11 வியாபாரிகள் பங்கேற்றனர். இந்த வாரம், 47.10 லட்சம் ரூபாய் மதிப்பிலான, 246.60 குவிண்டால் கொப்பரை ஏலத்துக்கு கொண்டு வரப்பட்டன. இத்தகவலை விற்பனை கூட கண்காணிப்பாளர் தெரிவித்தார்.