தினசரி மார்க்கெட்டில் தக்காளி விலை உயர்வு  

கிணத்துக்கடவு : கிணத்துக்கடவு தினசரி மார்க்கெட்டில், தக்காளி விலை அதிகரித்துள்ளது என வியாபாரிகள் தெரிவித்துள்ளனர்.கிணத்துக்கடவு தினசரி மார்க்கெட்டில் காய்கள் வரத்து சற்று உயர்ந்தும் விலையில் மாற்றம் ஏற்பட்டுள்ளது. மேலும், தக்காளி விலை அதிகரித்துள்ளது. தற்போது தினசரி மார்க்கெட்டில், தக்காளி (15 கிலோ பெட்டி) - 770, தேங்காய்- 23 (ஒன்று), கத்தரிக்காய் (கிலோ) - 25, முருங்கைக்காய் - 70, வெண்டைக்காய் - 35, முள்ளங்கி - 20, வெள்ளரிக்காய் - 20, பூசணிக்காய் - 8, அரசாணிக்காய் - 15, பாகற்காய் - 25, புடலை - 14, சுரைக்காய் - 15, பீர்க்கங்காய் - 25, பீட்ரூட் - 20, அவரைக்காய் - 70, பச்சை மிளகாய் - 30 ரூபாய்க்கு விற்கப்பட்டது.கடந்த வாரத்தை காட்டிலும் தற்போது தக்காளி - 190 (15 கிலோ), தேங்காய் - 7, முருங்கைக்காய் - 45, வெண்டைக்காய் - 10, அவரைக்காய் - 35 ரூபாய் விலை அதிகரித்துள்ளது.கத்தரிக்காய் - 10, முள்ளங்கி - 5, பூசணிக்காய் - 4, சுரைக்காய் - 3 ரூபாய் விலை குறைந்துள்ளது.வியாபாரிகள் கூறுகையில், 'கடந்த வாரத்தை காட்டிலும் தற்போது தக்காளி விலை அதிகரித்துள்ளது. வரும் நாட்களில் மேலும் உயர வாய்ப்புள்ளது. அதற்கு ஏற்றாப்போல் வரத்தும் அதிகரித்து வருகிறது' என்றனர்.