மேட்டுக்குப்பம் - கருங்குழி சாலை கந்தல்

வடலுார் : குண்டும் குழியுமாக போக்குவரத்திற்கு லாயக்கற்ற நிலையில் உள்ள மேட்டுக்குப்பம் - கருங்குழி சாலையை சீரமைக்க நடவடிக்கை எடுக்க வேண்டும்.வடலுார் அடுத்த மேட்டுக்குப்பம் - கருங்குழி கிராம இணைப்பு சாலையில் லாரி, வேன், டெம்போ உள்ளிட்ட நுாற்றுக்கும் மேற்பட்ட வாகனங்கள் தினசரி சென்று வருகின்றன.இந்நிலையில், 2 கி.மீ., துாரம் உள்ள இந்த சாலை போடப்பட்டு 10 ஆண்டுகளுக்கு மேல் ஆவதால், சாலை பராமரிப்பின்றி முற்றிலும் பழுதடைந்துள்ளது. மேலும், சாலையில் ஜல்லிகள் பெயர்ந்து போக்குவத்திற்கு லாயக்கற்ற நிலையில் உள்ளது.இதனால், சாலையில் செல்லும் வாகன ஓட்டிகள் கடும் அவதியடைகின்றனர். எனவே, வாகன ஓட்டிகள் நலன் கருதி, குண்டும் குழியுமாக போக்குவரத்திற்கு லாயக்கற்ற நிலையில் உள்ள மேட்டுக்குப்பம் - கருங்குழி கிராம இணைப்பு சாலையை சீரமைக்க நடவடிக்கை எடுக்க வேண்டும்.