சூதாடிய 9 பேர் கைது ரூ.60 ஆயிரம் பறிமுதல்

புவனகிரி: புவனகிரியில், சூதாடிய 9 பேரை போலீசார் கைது செய்து, ரூ.60 ஆயிரத்தை பறிமுதல் செய்தனர். புவனகிரி இன்ஸ்பெக்டர் முத்துஈஸ்வரன் மற்றும் போலீசார் நேற்று முன்தினம் இரவு ரோந்து பணியில் ஈடுபட்டிருந்தனர். அப்போது கீழ் புவனகிரி ஆனந்தா நகரில் அதே பகுதியைச் சேர்ந்த விஜயன் என்பவரின் கொட்டகையில் பணம் வைத்து சூதாடிய விஜயன் 40; பரங்கிப்பேட்டை அப்பா பள்ளி தெரு தல்பாதர்,38; பரங்கிப்பேட்டை கோட்டாயத் தெரு ஆஷிக் அலி,28; பி.முட்லூர் ரஹ்மானிய தெரு மன்சூர் அலி,40; பி.முட்லுார் கனகம்பாளையம் தெரு கிருஷ்ணராஜ்,42; சிதம்பரம் பூதகேணி முபாரக்,49; சீர்காழி பாதர்குடி கம்பன் நகர் சந்துரு,46; புவனகிரி சின்னப்ப முதலியார்தெருவை சேர்ந்த பாபு,45; பி.முட்லுார் ஆணையங்குப்பத்தைச் சேர்ந்த தட்சணாமூர்த்தி,43; ஆகிய 9 பேரை போலீசார் கைது செய்தனர். மேலும், அவர்களிடம் இருந்து, 60 ஆயிரத்து 410 ரூபாய் மற்றும் 7 சீட்டுக் கட்டுகளை பறிமுதல் செய்தனர்.