பழநியில் வைகாசி விசாக விழா துவக்கம்

பழநி : பழநி பெரியநாயகியம்மன் கோயில் வைகாசி விசாக திருவிழா இன்று கொடியேற்றத்துடன் துவங்கும் நிலையில் மே 22 ல் திருத்தேரோட்டம் நடக்கிறது . பழநி முருகன் கோயில் நிர்வாகத்தின் கீழ் உள்ள கிழக்கு ரதவீதி பெரியநாயகியம்மன் கோயில் வைகாசி விசாக விழா கொடியேற்றம் இன்று காலை 9:00 மணிக்கு நடக்கிறது. இதையொட்டி மாலையில் சப்பரத்தில் சுவாமி புறப்பாடும்,விழாவில் தினமும் பல்வேறு வாகனங்களில் சுவாமி புறப்பாடும் நடக்க உள்ளது.6ம் நாள் விழாவில் (மே 21) மாலை 6:00 மணிக்கு வள்ளி, தெய்வானை, முத்துக்குமாரசாமி திருக்கல்யாணம் ,வைகாசி விசாகமான மே 22 மாலை 4:30 மணிக்கு திருத்தேரோட்டம் நடக்கிறது. 10 ம் நாள் மே 25 இரவு கொடி இறக்குதலுடன் விழா நிறைவு பெறுகிறது.