கள்ளக்குறிச்சி அரசு ஆண்கள் பள்ளியில் தினமலர் - பட்டம் இதழ் வழங்கல்

கள்ளக்குறிச்சி : கள்ளக்குறிச்சி அரசு ஆண்கள் மேல்நிலைப் பள்ளியில் மாணவர்களுக்கு 'தினமலர் -பட்டம்' இதழ் வழங்கும் நிகழ்ச்சி நடந்தது.ஐதராபாத் தொழிலதிபர் மணிவண்ணன், கள்ளக்குறிச்சி ரோட்டரி சங்கத் தலைவர் ராஜேந்திரன் ஆகியோர் கள்ளக்குறிச்சி அரசு ஆண்கள் பள்ளி மாண வர்களுக்கு இந்த கல்வியாண்டு முழுமைக்குமான 'தினமலர் - பட்டம்' இதழ் 50 பிரதிகளை தினமும் வழங்கி வருகின்றனர். அதன்படி நேற்று நடந்த நிகழ்ச்சிக்கு பள்ளி தலைமை ஆசிரியர் கலாபன் தலைமை தாங்கினார். உதவி தலைமை ஆசிரியர் அசோக்குமார் முன்னிலை வகித்தார்.தொழிலதிபர் மணிவண்ணன், ரோட்டரி சங்கத் தலைவர் ராஜேந்திரன் ஆகியோர் மாணவர்களுக்கு பட்டம் இதழை வழங்கி, மாணவர்கள் கல்வி அறிவுடன், பொது அறிவையும் வளர்த்துக் கொண்டு, வாழ்க்கையில் வெற்றி பெற இதனை தினமும் படிக்க வேண்டும் என அறிவுறுத்தினர். ஆசிரியர்கள் பாலசுப்ரமணியம், பழனிவேல், சிவாஜி ஆகியோர் உடனிருந்தனர்.