சங்கராபுரத்தில் கலெக்டர் ஆய்வு

கள்ளக்குறிச்சி: ஆலத்துார் கிராமத்தில் வாக்காளர் பட்டியல் திருத்த படிவம் பதிவேற்றம் பணியை கலெக்டர் பிரசாந்த் ஆய்வு செய்தார். சங்கராபுரம் வட்டாட்சியர் அலுவலகம், ஆலத்துார் கிராமத்தில் ஓட்டுச்சாவடி நிலை அலுவலர்கள் வாக்காளர் சிறப்பு தீவிர திருத்த படிவங்களை பி.எல்.ஓ., மொபைல் செயலில் பதிவேற்றம் செய்யும் பணியை ஆய்வு செய்த கலெக்டர் கூறியதாவது; கள்ளக்குறிச்சி மாவட்டத்தில் வாக்காளர்கள் தங்களது கணக்கீட்டு படிவத்தினை உடனடியாக ஓட்டுச்சாவடி நிலை அலுவலர்களிடம் வழங்க வேண்டும். படிவத்தினை சமர்ப்பிக்க இறுதி நாள் டிச. 4ம் தேதி வரை காத்திருக்காமல் நகராட்சிகள், பேரூராட்சிகள் மற்றும் ஊராட்சி பணியாளர்கள், ஓட்டுச்சாவடி நிலை முகவர்கள், அந்தந்த உள்ளாட்சி அமைப்பு அலுவலகங்களில் திரும்ப கொடுத்து உங்களது பெயர் வரைவு வாக்காளர் பட்டியலில் இடம் பெறுவதை உறுதி செய்ய வேண்டும் என கூறினார். ஆய்வில் துறை அலுவலர்கள் உட்பட பலர் கலந்து கொண்டனர்.