தாயுமானவர் திட்டத்தின் கீழ் டிச. 2ம் தேதி ரேஷன் விநியோகம்

கள்ளக்குறிச்சி: கள்ளக்குறிச்சி மாவட்டத்தில் வயது முதிர்ந்தோர் மற்றும் மாற்றுத்திறனாளி குடும்ப ரேஷன் கார்டுகளுக்கு டிச., 2 மற்றும் 3ம் தேதி பொது விநியோக திட்ட பொருட்கள் வழங்கப்பட உள்ளதாக கூட்டுறவு சங்கங்களின் மண்டல இணைப்பதிவாளர் தெரிவித்துள்ளார். கள்ளக்குறிச்சி கூட்டுறவு சங்கங்களின் மண்டல இணைப்பதிவாளர் முருகேசன் விடுத்துள்ள செய்திக்குறிப்பு; முதல்வரின் தாயுமானவர் திட்டத்தின் கீழ் 65 வயது மேற்பட்ட முதியவர்கள் மற்றும் மாற்றுத்திறனாளி குடும்ப அட்டைதாரர்களின் வீடுகளுக்கே நேரடியாக சென்று பொது விநியோக திட்ட பொருட்கள் வழங்கப்பட்டு வருகிறது. இத்திட்டத்தின் கீழ் கள்ளக்குறிச்சி மாவட்டத்தில் உள்ள தகுதி வாய்ந்த 28,133 பயனாளிகளுக்கு ரேஷன் பொருட்கள் வழங்கப்படுகிறது. அதன்படி, டிச., மாதத்திற்கான பொது விநியோக திட்ட பொருட்கள் வரும் 2 மற்றும் 3ம் தேதிகளில் வழங்கப்பட உள்ளது. எனவே, தகுதியுள்ள குடும்ப அட்டைதாரர்கள் இத்திட்டத்தினை பயன்படுத்தி, பொது விநியோக திட்ட பொருட்களை பெற்றுக்கொள்ள வேண்டும். இவ்வாறு அதில் கூறப்பட்டுள்ளது.