கல்லா பெட்டி உடைத்து ரூ.25 ஆயிரம் திருட்டு

கள்ளக்குறிச்சி: ஏமப்பேரில் டீ கடையில் கல்லா பெட்டியை உடைத்து பணத்தை திருடிச் செ்ன்ற மர்ம நபர்களை போலீசார் தேடி வருகின்றனர். கள்ளக்குறிச்சி அடுத்த உலகங்காத்தான் கிராமத்தை சேர்ந்தவர் நாராயணன் மகன் சின்னதுரை, 40; இவர், ஏமப்பேர் பஸ் நிறுத்தம் அருகே டீ கடை நடத்தி வருகிறார். கடந்த 4ம் தேதி இரவு வியாபாரத்தை முடித்து கொண்டு வீடு சென்றார். மறுநாள் 5ம் தேதி காலை 6:00 மணிக்கு கடையை திறந்து பார்த்த போது, கல்லா பெட்டி உடைக்கப்பட்டு அதில் இருந்த 25 ஆயிரம் பணத்தை மர்ம நபர்கள் திருடிச் சென்றிருப்பது தெரியவந்தது. இது குறித்த புகாரின் பேரில் கள்ளக்குறிச்சி போலீசார் வழக்கு பதிந்து விசாரிக்கின்றனர்.