மதுரை வீரன் கோவில் கும்பாபிஷேகம் விமரிசை

ஸ்ரீபெரும்புதுார்: போந்துார் மதுரை வீரன் கோவிலில், கோபுர கலசங்களில் புனித நீர் ஊற்றி, கும்பாபிஷேக விழா நேற்று வெகு விமரிசையாக நடந்தது. ஸ்ரீபெரும்புதுார் ஒன்றியம், போந்துார் ஊராட்சியில், பொம்மியம்மாள், வெள்ளையம்மான் சமேத மதுரை வீரன் கோவில் உள்ளது. இக் கோவிலுக்கு கும்பாபிஷேக விழா நடந்த கிராம மக்கள் முடிவெடுத்தனர். இதையடுத்து, கோவிலில் பல்வேறு திருப்பணிகள் சமீபத்தில் செய்து முடிக்கப்பட்டன. இதையடுத்து, கும்பாபிஷேக விழா நவ., 28ம் தேதி துவங்கி, மஹாகணபதி ஹோமம், மஹாலட்சுமி ஹோமம் உள்ளிட்டவை நடந்தது. நேற்று, காலை 7:30 மணிக்கு, பூஜிக்கப்பட்ட புனித நீரை கோவில் கலசங்களில் ஊற்றி, மஹா கும்பாபிஷேகம் நடத்தப்பட்டது. இதில், போந்துார் மற்றும் சுற்றவட்டார கிராமங்களைச் சேர்ந்த பக்தர்கள் பங்கேற்றனர்.