பெரியாண்டவர் கோவிலில் இன்று மஹா கும்பாபிஷேகம்

செவிலிமேடு, காஞ்சிபுரம் மாநகராட்சி செவிலிமேடு திரவுபதியம்மன் கோவில் வழியாக பாலாற்றாங்கரை செல்லும் வழியில் புதிதாக பெரியாண்டவர், வாழ் முனீஸ்வரர், மதுரை வீரன் பொம்மி வெள்ளையம்மன் கோவில் கட்டப்பட்டுள்ளது.இக்கோவில் அஷ்ட பந்தன மஹா கும்பாபிஷேகத்தையொட்டி நேற்று முன்தினம், காலை 9:00 மணிக்கு கணபதி ஹோமத்துடன் யாகசாலை பூஜை துவங்கியது.இன்று, காலை 9:00 மணிக்கு யாகசாலையில் இருந்து கலசம் புறப்பாடு நடக்கிறது. காலை 9:15 மணிக்கு மூலஸ்தான கோபுரம் மற்றும் பரிவார கோபுரங்களுக்கு மஹா கும்பாபிஷேகம் நடக்கிறது.அதை தொடர்ந்து பெரியாண்டவர், வாழ் முனீஸ்வரர், மதுரை வீரன், பொம்மி, வெள்ளையம்மாள் மற்றும் பரிவார மூர்த்திகளுக்கு மஹா கும்பாபிஷேகமும், காலை 11:30 மணிக்கு மஹா அபிஷேகமும் நடக்கிறது.