அண்ணாதுரை பிறந்த நாள் விழா தி.மு.க., - அ.தி.மு.க., மரியாதை

கரூர்: தமிழக முன்னாள் முதல்வர் அண்ணாதுரை பிறந்த நாளான நேற்று, கரூர், மனோகரா கார்னர் பகுதியில் உள்ள அவரது சிலைக்கு, தி.மு.க., - எம்.எல்.ஏ.,க்கள் இளங்கோ, சிவகாமசுந்தரி ஆகியோர், மாலை அணிவித்து மரியாதை செலுத்தினர். பின், பொதுமக்களுக்கு இனிப்புகள் வழங்கப்பட்டது. அப்போது, மாநில நெசவாளர் அணி தலைவர் நன்னியூர் ராஜேந்திரன், கரூர் மாநகராட்சி மேயர் கவிதா, துணை மேயர் தாரணி சரவணன், மாநகர தி.மு.க., செயலாளர் கனகராஜ் உள்ளிட்ட நிர்வாகிகள் பங்கேற்றனர்.* கரூர் மாவட்ட அ.தி.மு.க., சார்பில், லைட் ஹவுஸ் கார்னர் பகுதியில் உள்ள, முன்னாள் முதல்வர்கள் அண்ணாதுரை, எம்.ஜி.ஆர்., ஜெயலலிதா ஆகியோரது சிலைகளுக்கு, மாவட்ட அ.தி.மு.க., செயலாளரும், முன்னாள் அமைச்சருமான விஜயபாஸ்கர், மாலை அணிவித்து மரியாதை செலுத்தினார். அப்போது, மாவட்ட அவைத்தலைவர் திருவிகா, ஜெயலலிதா பேரவை செயலாளர் நெடுஞ்செழியன், இளைஞரணி செயலாளர் தானேஷ் முத்துக்குமார், கரூர் பஞ்., யூனியன் தலைவர் பாலமுருகன், ஒன்றிய செயலாளர் கமலகண்ணன் உள்ளிட்ட நிர்வாகிகள் உடனிருந்தனர்.* கரூர் மாவட்ட, அ.தி.மு.க., தொண்டர்கள் உரிமை மீட்புக்குழு சார்பில், மேற்கு மாவட்ட செயலாளர் ரமேஷ் தலைமையில், ஆண்டாங்கோவிலில், முன்னாள் முதல்வர் அண்ணாதுரை படத்துக்கு மாலை அணிவிக்கப்பட்டது. அவைத்தலைவர் கணேசன், இளைஞரணி செயலாளர் ஐயப்பன், தகவல் தொழில்நுட்ப அணி செயலாளர் அன்பு உள்பட பலர் கலந்து கொண்டனர்.