சேதமான அங்கன்வாடி மையம்
சேதமான அங்கன்வாடி மையம்குளித்தலை, டிச. 2-குளித்தலை அடுத்த மருதுார் டவுன் பஞ்., 6, 7வது வார்டு பகுதியில் உள்ள குழந்தைகள், வி.ஏ.ஓ., அலுவலகம் அருகே உள்ள அங்கன்வாடி மையத்தில் படித்து வருகின்றனர். கடந்த, 4 ஆண்டுகளாக கட்டடம் முழுவதும் சேதமடைந்து காணப்படுகிறது. இதனால், அருகே உள்ள நேரு யுவகேந்திரா இளைஞர் நற்பணி மன்ற கட்டடத்தில், அங்கன்வாடி மையம் செயல்பட்டு வருகிறது. குழந்தைகள், பொது மக்கள் நலன் கருதி, சேதமான அங்கன்வாடி பள்ளி கட்டடத்தை இடித்துவிட்டு, புதிய கட்டடம் கட்ட நடவடிக்கை எடுக்க வேண்டும் என, கோரிக்கை விடுத்துள்ளனர்.