தஞ்சையில் நலத்திட்ட உதவிகள் வழங்கல்

தஞ்சாவூர்: தஞ்சாவூரில் அகில இந்திய காங்கிரஸ் கமிட்டி உறுப்பினர் ரெங்கசாமி மூப்பனார் தலைமையில் ஜி.கே. மூப்பனார் நினைவு தினத்தை முன்னிட்டு ஏழை, எளிய மக்களுக்கு பல்வேறு நலத்திட்ட உதவிகள் வழங்கும் விழா நடந்தது. இதில் இலவச தையல் இயந்திரம், வேட்டி, சேலை, மாற்றுத்திறனாளிகளுக்கான மூன்று சக்கர சைக்கிள்கள் உட்பட பல்வேறு இலவச பொருட்கள் வழங்கப்பட்டது. பொதுக்குழு உறுப்பினர்கள் சுரேஷ் மூப்பனார், அந்தோணிசாமி, சிதம்பரம், வட்டார தலைவர் சிவமுரளிதரன், நகர செயலாளர் கோவி.மோகன், தெற்கு மாவட்ட தலைவர் நாஞ்சி வரதராஜன், ஒன்றிய கவுன்சிலர் சத்யராஜ் உட்பட பலர் பங்கேற்றனர். நகர தலைவர் செந்தில்நாராயணசாமி நன்றி கூறினார்.