வீரணகுப்பம் பகுதியில் தகராறு ஓட்டுப்பதிவு நிறுத்தி வைப்பு

ஊத்தங்கரை: கிருஷ்ணகிரி மாவட்டம், ஊத்தங்கரை அடுத்த வீரண குப்பம் பகுதி, அ.தி.மு.க., கிளை செயலாளர் அண்ணாதுரை, 50. இவரது பெயர் வோட்டர் லிஸ்டில் இருந்து நீக்கப்பட்டதாக கூறி தகராறு செய்ததால், 1 மணி நேரம் ஓட்டு போடாமல் நிறுத்தி வைக்கப்பட்டது. நேற்று காலை, 7:00 மணிக்கு ஓட்டுப்பதிவு துவங்கியது. ஓட்டு போட சென்ற அண்ணாதுரை, வோட்டர் லிஸ்டில் தனது பெயர் இல்லை என்று கூறி வாக்குவாதத்தில் ஈடுபட்டார்.பாதுகாப்பு பணியில் இருந்த போலீசார் அவரை சமாதானப்படுத்தினர். இதனால், 1 மணி நேரத்திற்கு மேலாக ஓட்டு போட தாமதமானது. கடந்த, 30 ஆண்டுகளாக ஓட்டு போட்டு வந்தேன் தற்போது, பட்டியலிலேயே தனது பெயர் இல்லை என்று ஆதங்கத்தை தெரிவித்தார். மேலும் இது ஆளும் கட்சியை சேர்ந்தவர்களின் சதி என்று தெரிவித்தார்.