சிசிடிவி கேமரா பொருத்த, பழுது நீக்க இலவச பயிற்சி பெற அழைப்பு

கிருஷ்ணகிரி, இந்தியன் வங்கி சுயவேலைவாய்ப்பு பயிற்சி நிறுவன இயக்குனர் வெங்கடேசன் வெளியிட்டுள்ள அறிக்கை:கிருஷ்ணகிரி கே.ஆர்.பி., அணை பகுதியில் உள்ள, இந்தியன் வங்கி ஊரக சுயவேலை வாய்ப்பு பயிற்சி நிறுவனத்தில், வறுமை கோட்டிற்கு கீழ் வாழும் கிராமப்புற பெண்கள் மற்றும் இளைஞர்களுக்கு தொழில் துவங்க, தற்போது ஆண், பெண் இருபாலருக்கும், சிசிடிவி கேமரா பொருத்தவும், பழுது நீக்கவும், 13 நாட்கள் இலவச பயிற்சி வழங்கப்பட உள்ளது. இதற்கு, 8ம் வகுப்பு படித்த, 18 முதல், 45 வயது வரை உள்ளவர்கள் வரும், 16க்குள், அலுவலகத்திற்கு நேரில் வந்து விண்ணப்பித்து சேர்ந்து கொள்ளலாம்.பயிற்சியில் சீருடை, மதிய உணவு, உபகரணங்கள் இலவசமாக வழங்கப்படும். பயிற்சி காலை, 10:00 மணி முதல் மாலை, 5:00 மணி வரை நடக்கும். முடிவில் பயிற்சி சான்றிதழும், தேர்ச்சி சான்றிதழ் வழங்கப்படும். மேலும் விபரங்களுக்கு இயக்குனர், இந்தியன் வங்கி ஊரக சுயவேலைவாய்ப்பு பயிற்சி நிறுவனம், டிரைசெம் கட்டடம், கே.ஆர்.பி., அணை, கிருஷ்ணகிரி என்ற முகவரியிலும், மேலும், 94422 47921, 90806 76557 என்ற எண்களிலும் தொடர்பு கொள்ளலாம். இவ்வாறு அதில் தெரிவித்துள்ளார்.