சிலம்பப்போட்டி

மதுரை : மதுரை சகோதயா ஸ்கூல் காம்ப்ளக்ஸ் சார்பில் குயின் மீரா சர்வதேச பள்ளியில் சி.பி.எஸ்.இ., பள்ளிகளுக்கு இடையே சிலம்பப்போட்டி நடந்தது.இதில் மதுரை கிருஷ்ணம்மாள் ராமசுப்பையர் சி.பி.எஸ்.இ., (கே.ஆர்.எஸ்.) பள்ளி மாணவர்கள் வெற்றிபெற்றனர். 19 வயதுக்குட்பட்ட பெண்கள் பிரிவின் இரட்டைக் கம்பு வீச்சில் பிளஸ் 2 மாணவி தீப்தி ஸ்ரீ முதல் பரிசு பெற்றார். 12 வயது பிரிவு இரட்டைக் கம்பு வீச்சில் ஆறாம் வகுப்பு மாணவி சர்மிளா இரண்டாம் பரிசு பெற்றார்.19 வயது ஆண்கள் பிரிவு தொடும் முறை போட்டியில் பிளஸ் 1 மாணவர்சூரிய நாராயணன் முதல் பரிசு பெற்றார். ஒற்றைக் கம்பு வீச்சில் பிளஸ் 1 மாணவர் பென்னாச்சி சபரி மூன்றாம் பரிசு பெற்றார். 17 வயது இரட்டைக் கம்பு வீச்சில் ஒன்பதாம் வகுப்பு கிருத்திக் இரண்டாம் பரிசு பெற்றார். மாணவர்களை முதல்வர் சூரிய பிரபா, உடற்கல்வி ஆசிரியர் சக்தி பிரகாஷ் வாழ்த்தினர்.