தேசிய வேளாண் சந்தையில் ரூ.56,000க்கு தேங்காய் ஏலம்

ப.வேலுார்: நாமக்கல் மாவட்டம், ப.வேலுாரில் மின்னணு தேசிய வேளாண்மை சந்தை செயல்படுகிறது. இங்கு, வாரந்தோறும் செவ்வாய்க்கிழமை தேங்காய் ஏலம் நடக்கிறது. ப.வேலுார், மோகனுார், பொத்தனுார், பாண்டமங்கலம், வெங்கரை, கபிலர்மலை ஆகிய பகுதிகளில் இருந்து விவசாயிகள் தேங்காய்களை ஏலத்திற்கு கொண்டு வருகின்றனர். நேற்று நடந்த ஏலத்திற்கு, 4,100 தேங்காய்களை விவசாயிகள் விற்பனைக்கு கொண்டு வந்திருந்தனர்.கடந்த வாரம் நடந்த ஏலத்தில், அதிகபட்சம் தேங்காய் கிலோ, 55.10 ரூபாய், குறைந்தபட்சம், 29.29 ரூபாய், சராசரி, 39.99 ரூபாய் என, மொத்தம், 74,000 ரூபாய்க்கு விற்பனையானது. இதேபோல், நேற்று நடந்த ஏலத்தில், அதிகபட்சம் கிலோ, 46.10 ரூபாய், குறைந்தபட்சம், 27 ரூபாய், சராசரி, 39.39 ரூபாய் என, மொத்தம், 56,000 ரூபாய்க்கு விற்பனையானது.