இந்து முன்னணி நிர்வாகிகள் கூட்டம்

ஊட்டி : ஊட்டி நகர இந்து முன்னணி நிர்வாகிகள் கூட்டம் ஊட்டியில் நடந்தது.கூட்டத்தில் நிறைவேற்றப்பட்ட தீர்மானங்கள்:நீலகிரி மாவட்ட படுக சமுதாய மக்கள் மற்றும் கலாசாரத்தை காக்கும் விதமாக பழங்குடியினர் பட்டியலில் சேர்க்க தமிழக முதல்வர் பிரதமருக்கு கடிதம் அனுப்பியதற்கு வரவேற்பு தெரிவிப்பது; பாரம்பரியமிக்க படுகமொழி, உடைகளை பய­ன்­படுத்தி கலாசாரத்தை சீரழிக்கும் மதமாற்றத்தை தடுக்க வலியுறுத்துவது; விநாயகர் சதுர்த்தி விழா தொடர்பான அறிமுக கூட்டம் 5ம் தேதி நடத்துவது என்பன உட்பட பல்வேறு தீர்மானங்கள் நிறைவேற்றப்பட்டன. ஊட்டி நகர செயலாளர் ராஜேந்­திரன் தலைமை வகித்தார். நகர செயலாளர்கள் பாலமுரளி, விஜய், நந்தகுமார் முன்னிலை வகித்தனர். தாலுகா பொறுப்பாளர் சந்தோஷ், விஸ்வா, நீலகிரி மாவட்ட செயலாளர் மஞ்சுநாத், கோவை நீலகிரி மாவட்ட ஒருங்கிணைப்பாளர் ராம செல்வகுமார் உட்பட பலர் பங்கேற்றனர்.