தேயிலை ஏலம்: ரூ.37.69 கோடி மொத்த வருமானம்

குன்னுார்; தென் மாநில தேயிலை ஏல மையங்களில் நடந்த தேயிலை ஏலங்களில், 37.69 கோடி ரூபாய் மொத்த வருவாய் கிடைத்தது.குன்னுார் தேயிலை ஏல மையத்தில் கடந்த வாரம் நடந்த, 28வது ஏலத்தில், '20.55 லட்சம் கிலோ இலை ரகம்; 5.67 லட்சம் கிலோ டஸ்ட் ரகம்,' என, மொத்தம், 26.22 லட்சம் கிலோ ஏலத்திற்கு வந்தது. '14.41 லட்சம் கிலோ இலை ரகம்; 4.31 லட்சம் கிலோ டஸ்ட் ரகம்,' என, மொத்தம், 18.72 லட்சம் கிலோ விற்பனையானது. 71.38 சதவீதம் விற்றது.சராசரி விலை கிலோவிற்கு, 91.36 ரூபாய் என இருந்தது. சராசரி விலையில் கிலோவிற்கு, 2 ரூபாய் சரிந்தது. மொத்த வருமானம், 17.10 கோடி ரூபாய் கிடைத்தது. கடந்த ஏலத்தை ஒப்பிடுகையில், 50 ஆயிரம் கிலோ வரத்து குறைந்தது. விற்பனையில் சற்று ஏற்றம் கண்டது. விலை வீழ்ச்சியால், 63 லட்சம் ரூபாய் மொத்த வருவாய் உயர்ந்தது. நீலகிரி, கூட்டுறவு தொழிற்சாலைகளில் உற்பத்தி செய்யும் தேயிலை துாள்கள், டீசர்வ் ஏல மைய ஏலத்தில், 2.32 லட்சம் கிலோ வந்ததில், 1.75 லட்சம் கிலோ விற்பனையாகியது. சராசரி விலை, 82.76 ரூபாயாக இருந்தது; கிலோவிற்கு, 5 ரூபாய் சரிந்தது. 1.45 கோடி ரூபாய் மொத்த வருவாய் கிடைத்தது. வரத்து, விற்பனை அதிகரித்த நிலையில், 43 ஆயிரம் ரூபாய் சரிந்தது.கோவை ஏல மையத்தில், நடந்த ஏலத்தில், 5.69 லட்சம் கிலோ வந்ததில், 4.46 லட்சம் கிலோ விற்பனையானது. சராசரி விலை கிலோவிற்கு, 118.17 ரூபாயாக இருந்தது; கிலோவிற்கு ரூ.2.74 ரூபாய் குறைந்தது. 25.27 கோடி ரூபாய் மொத்த வருவாய் கிடைத்தது. 47 லட்சம் ரூபாய் மொத்த வருமானம் உயர்ந்தது.கொச்சி ஏல மையத்தில், 10.99 லட்சம் கிலோ வந்ததில், 9.04 லட்சம் கிலோ விற்பனையானது. சராசரி விலை, 153.39 ரூபாய் என இருந்தது. 13.87 கோடி ரூபாய் மொத்த வருவாய் கிடைத்தது. தென் மாநில அளவில், 37.69 கோடி ரூபாய் மொத்த வருவாய் கிடைத்தது. கடந்த வாரத்தை விட 1.51 கோடி ரூபாய் வருவாய் கூடுதலானது.