அரசுப்பள்ளிகளில் மாஸ் கிளீனிங் ஜூன் 3-5 வரை நடத்த உத்தரவு 

ராமநாதபுரம், - தமிழகத்தில் கோடை விடுமுறை முடிந்து பள்ளிகள் ஜூன் 6ல் திறக்கப்பட உள்ளதால் ஜூன் 3, 4, 5 ஆகியநாட்களில் சமையல் கூடம், வகுப்பறைகள், கழிப்பறைகளின் துாய்மையை உறுதி செய்ய 'மாஸ் கிளீனிங்' மேற்கொள்ள வேண்டும் என பள்ளிக் கல்வித்துறை தலைமையாசிரியர்களைஅறிவுறுத்தியுள்ளது.தமிழகத்தில் ஒன்று முதல் பிளஸ் 2 வரையிலான பள்ளிமாணவர்களுக்கு ஏப்.24 முதல் கோடை விடுமுறைவிடப்பட்டுள்ளது.இந்நிலையில் ஜூன் 6ல் அனைத்துப்பள்ளிகளை திறக்க பள்ளி கல்வித்துறைஉத்தரவிட்டுள்ளது.குறிப்பிட்ட நாளில் பள்ளிகளை திறப்பதற்கான பணிகளை மேற்கொள்ள வேண்டும் என முதன்மைக் கல்விஅலுவலர்களுக்கும் உத்தரவிடப்பட்டுள்ளது. இதன்படி வரும் ஜூன் 3, 4, 5 ல் அனைத்து அரசு, அரசு உதவிபெறும் பள்ளிகளிலும் 'மாஸ் கிளீனிங்' நடத்த கல்வித்துறை உத்தரவிட்டுள்ளது.இதுதொடர்பாக முதன்மை கல்வி அலுவலர் தலைமையில் நடந்தபள்ளி தலைமையாசிரியர்களுக்கான ஆலோசனை கூட்டத்தில் அறிவுரைகள் வழங்கப்பட்டுள்ளது.ராமநாதபுரம் முதன்மை கல்வி அலுவலர் (பொ) பிரின்ஸ் ஆரோக்கிய ராஜ் கூறியதாவது:அனைத்துப் பள்ளிகளிலும் வகுப்பறை, சத்துணவு தயாரிக்கும் சமையல் அறை, சுத்திகரிக்கப்பட்ட குடிநீர், கழிப்பறை ஆகிய இடங்களில் துாய்மைப்பணி மேற்கொள்ள வேண்டும் என தலைமையாசிரியர்களுக்கு வலியுறுத்தப்பட்டுள்ளது. இப்பணிகளைமாவட்ட கல்வி அலுவலர்கள், வட்டார கல்வி அலுவலர்கள் கண்காணிக்க உள்ளனர் என்றார்.